KUALA LUMPUR:Atur Nagang Peminda (PKP) ba enam buah nengeri ungkup timpuh 14 hari berengkah kemari, dipelabaka nadai meri empas ekonomi ke balat enti dibandingka enggau PKP fasa empat ti dipejalaika dalam bulan Mac taun siti nyin kemari.

Pengelicha Kanan Putra Business School, Prof Madya Dr Ahmed Razman Abdul Latiff madahka perintah udah silik nyendiaka diri  kelimpah ngaga nambahka pemanah atur kena bejalaika PKP ba nengeri nya, kena nagang pengelekai COVID-19.

“PKP tu dipejalaika ba enam buah nengeri iya nya di Pulau Pinang, Selangor, Wilayah Persekutuan (Kuala Lumpur, Putrajaya enggau Labuan), Melaka, Johor sereta Sabah ke mega nengeri ti mayuh nyaup ba Pemansut Kasar DalamMenua(KDNK).

“Sektor ekonomi tetap bisi kena tempias maya pengawa neritka PKP sekali tu, tang empas ke mungkur semua ulih dikurangka laban nengeri bukai agi ulih bejalaika aktiviti dagang baka selama belalauka prosedur operasyen standard (SOP)ti terit baka ti ditetapka perintah,” ku iya dalam program Ruang Bicara ti dikeluarka Bernama TV malam ensana.

Menteri Tan Sri Muhyiddin Yassin ensana madahka PKP dipejalaika ba enam negeri iya nya Pulau Pinang, Selangor, Wilayah Persekutuan (Kuala Lumpur, Putrajaya enggau Labuan), Melaka, Johor sereta Sabah dalam timpuh 14 hari, berengkah ari Hari Tiga (13 Januari) nyen tuk 26 Januari.

Enam buah agi nengeri iya nya Pahang, Perak, Negeri Sembilan, Kedah, Terengganu enggau Kelantan diteritka PKP Bisi Penetap (PKPB) mlalu PKP Mulaika Pemaik (PKPP) dipejalaika di Perlis enggau Sarawak, dalam timpuh ke sama.

Berebak enggau nya Ahmed Razmanmadah, taja pan pengelekai  pandemik COVID-19 ngemarka pemindah, ntang nya dipeda tau muka peluang ngagai sekeda kompeni ngambika nyerungkai  peluang dagang baru.

“Ambika chunto, sekda kompeni ti bisi kaul enggau servis dron tau  meri servis ke serata dunya. Tu ulih nambahka penatai pemisi kompeni sereta nambahka penatai pemisi menua ba maya ke mar diatu (pengelekai COVID-19),” ku iya.

Ngenang pasal penambah kes COVID-19 ti diripotka dalam beberapa hari tu, ku iya, nya ukai mandangka perintah puntan nagang pengelekai virus nya.

“ Tu mungkur kerejasama ari  sereta mesti ngasika SOP ti ditetapka perintah. Kerajaan mega mesti fokus mutarka pekara tu, seliahka bejaku pasal nyilih perintah tang ke pemadu manah iya nya, semua mesti besaup  ngelandaika graf COVID-19,” ku iya. — Bernama